Алматы облысында 8 су қоймасы мемлекетке қайтарылды

фото: Freepik

Алматы облысында сенімгерлік басқарушылыққа берілген 8 су қоймасы мемлекетке қайтарылды, деп хабарлады Elordainfo.kz.

Алматы облысының табиғат қорғау прокуратурасы аталған нысандарда белгіленген талаптарды сақтамағанын анықтады. Атап айтқанда, 8 су қоймасының тиісті техникалық жай-күйін сақтау жөніндегі шарттық міндеттемелер ескерілмеген, су шаруашылығы жүйелері мен құрылыстарына тексеру жүргізілмеген.

«Бұл жағдайлар халықтың өмірі мен денсаулығына, қоршаған ортаға кері әсер етуі мүмкін. Қабылданған шаралардың арқасында 8 шарт бұзылды, құны 20 млрд теңгеден асатын мүлік мемлекет меншігіне қайтарылды», - делінген хабарламада.