«Астана сазы» қазақ фольклорлық ансамблінің жеке концерті өтті

 «Астана сазы» қазақ мемлекеттік фольклорлық ансамблі Астанада жеке концертін өткізді, деп хабарлады Elordainfo.kz ҚР Мәдениет және ақпарат министрлігіне сілтеме жасап.

Концерт ҚР Мәдениет және ақпарат министрлігінің қолдауымен Роза Бағланова атындағы «Қазақконцерт» залында өтті.

«Астана сазы» – ұлттық музыка мен дәстүрлерді насихаттап, халық шығармашылығының даралығын сақтап жүрген Қазақстанның жетекші фольклорлық ұжымдарының бірі.

Концерт бағдарламасы ұлттық музыка өнерінің үздік туындыларын, күй, ән, би және олардың заманауи интерпретацияларын қамтыды. Әрбір орындау көрерменге ұмытылмас музыкалық әсер сыйлады.

Көрермен үшін ерекше сый — кеште Музыкалық-драмалық жас көрермендер театры өнер көрсетіп, ең танымал музыкалық нөмірлерін ұсынды», - делінген хабарламада.

Концертке мәдениет саласының көрнекті қайраткерлері, халықаралық байқаулардың лауреаттары және «BIRLIK» би ансамблі қатысты.