«Игі іспен бөліс» республикалық флешмобы басталды

Фото: Freepik.com

Мәдениет және ақпарат министрілігі Ұлттық волонтерлердің фронт-офисімен бірлесе отырып «Игі іспен бөліс» республикалық флешмобы басталғанын хабарлайды, деп хабарлады Elordainfo.kz министрліктің баспасөз қызметіне сілтеме жасап.

Бастама әлеуметтік желілерде мұқтаж жандарға өтеусіз көмек көрсету арқылы қайырымдылық және волонтерлік мәдениетті дамытуды көздейді.

Флешмоб азаматтар арасында мейірімділік, өзара көмек және әлеуметтік жауапкершілік идеяларын ілгерілетуге бағытталған.

Қатысушылар #ИгіІспенБөліс #ПоделисьДобром хэштегтерін қолдана отырып, әлеуметтік желілерде фотосуреттерін немесе видеоларын бөлісуі қажет.

Флешмоб шарттары жайлы толық ақпаратпен Qazvolunteer.kz сайтынан танысуға болады.