«Крашым»: «Қылышбек» пен Әсел Асқар елді шулатты

Актриса, блогер Әсел Асқар әлеуметтік желіге кино түсіріліміндегі эпизодты жүктеді, деп хабарлады Elordainfo.kz.

Онда ол «Менің крашым Қылышбекпен түсу бұйырыпты» деп жазды.

Видеодан кино түсірілімі болып жатқанын, онда актерлер Әсел Асқар мен Рүстем Жанымановтың қыз бен жігіттің рөлін ойнап жатқанын байқауға болады. Эпизодта қыз жігіттің қолын ұстап, құлағына әлдене деп сыбырлайды. Сол кезде актердің қып-қызыл болып қызарып кеткенін көріп, түсірілім тобының күлкіге қарқ болғанын көреміз.

Ал бұл көріністі көрген оқырмандар актердің әрекетін қызу талқыға салды.

«Айсара көрсе, быт-шыт болады», «Қылышбек менің күйеуім болғанда үйде оқтаумен күтіп отырар едім», «Менің күйеуім актер болмағанына шүкір», «Өзгенің шаңырағында түсініспеушілік тудыруы мүмкін нәрсені желіге неге салады? Жарайды, кино қарап отырсаң, жөні бөлек, ал мұнда басқаша көрінеді екен. Бұлай деп тек мен ойласам жақсы», «Айсара, Қылышбегіңнен айырылдың», «Қылышбектің» әйелі кеңпейілді, жақсы адам екен. Менің түсінгенім, өнер адамының әйелі болу оңай емес екен», «Оо, Әселдің көз қарасы мен сыбырынан не істерін білмей қалатын тек ол ғана емес шығар», «Кәмшатпен от клиптерге түскенде қызармаған Қылышбек енді қызарып қалыпты ғой» деп жазды олар.