Осы аптада өтетін спорттық іс-шаралар кестесі жарияланды

Туризм және спорт министрлігі 30 маусым – 6 шілде аралығында өтетін спорттық іс-шаралар кестесін ұсынды, деп хабарлады Elordainfo.kz.

30 маусым – 6 шілде: Бокстан ерлер мен әйелдер арасындағы Әлем кубогі

Жарысқа 30 елден 440-қа жуық спортшы қатысады. Ел намысын 20 былғары қолғап шебері қорғайды.

Өтетін орны: Астана қаласы

1-5 шілде: Грек-рим күресінен жасөспірімдер арасындағы халықаралық турнир

Қазақстан құрамасынан 8 палуан белдеседі.

Өтетін орны: Мадрид қаласы, Испания

2-8 шілде: Батуттағы гимнастикадан Coimbra Gym Fest 2025 халықаралық турнирі

Жарысқа 8 спортшымыз қатысады.

Өтетін орны: Коимбра қаласы, Португалия

4-10 шілде: Ауыр атлетикадан жасөспірімдер және юниорлар арасындағы Азия чемпионаты

Жарысқа 27 елден 300-ге жуық спортшы қатысады. Ұлттық құрама сапынан 32 спортшы сынға түседі.

Өтетін орны: Астана қаласы

4-14 шілде: Стенд атудан Әлем кубогі

Турнирде 6 спортшымыз жүлдеге таласады.

Өтетін орны: Лонато қаласы, Италия

6 шілде: Бәйгеден ел біріншілігіне іріктеу турнирі

Жарысқа Астана, Алматы, Шымкент қалаларынан және барлық облыстан 50-ден астам шабандоз қатысады.

Өтетін орны: Астана қаласы, «Қазанат» ипподромы