Президент кубогы: Әмір Омарханов жартылай финалға жолдама алды

Астанада Президент кубогы үшін ерлер мен әйелдер арасында ITF World Tennis Tour турнирінде жұптық сында жартылай финалға шыққандар анықталды, деп хабарлады Elordainfo.kz.

Әйелдер арасында қазақстандықтар Асылжан Арыстанбекова – Іңкәр Дүйсебай ширек финалда беларусьтік Владислава Зверева – грузиялық Зоза Кардаваны ұтты – 7:6 (7:4), 6:0.

Арыстанбекова – Дүйсебай финалға шығу үшін беларусьтік Аглая Фёдорова – Дарья Хомутянскаямен таласады.

Кенжебаева – ресейлік Алиса Кюммель ширек финалда қазақстандықтар Аружан Нұранбай – Сәтима Төрегенді жолдан тайдырды – 6:1, 7:5.

Ерлер арасында 17 жастағы Әмір Омарханов түркиялық Мерт Алкаймен бірге қарсыластары матчқа келмегендіктен, ойнамастан жартылай финалға шықты.

Жарыстың 1-ракеткалары Григорий Ломакин – ресейлік Александр Лобанов ширек финалда қазақстандықтар Ілияс Маратұлы – Тайыр Сармановты жолдан тайдырды – 6:1, 7:5.

Кенжебаева, Омарханов және Ломакиннің жұптық сында жартылай финалдағы қарсыластары кейін белгілі болады.