Қырағылық танытқан астаналық тұрғын марапатталды

Астана тұрғыны Юлия Шимон ерекше қырағылық пен азаматтық жауапкершілік танытып, қайғылы жағдайдың алдын алды, деп хабарлады Elordainfo.kz.  

Ол қалалық Төтенше жағдайлар департаментіне қоңырау шалып, Керей-Жәнібек хандар көшесіндегі көрші көпқабатты үйдің пәтерлерінің бірінде өрт болуы мүмкін екенін хабарлады.

Юлия терезенің жанындағы үстелдің үстінде жанып тұрған шамды байқады, ол өртке себеп болуы мүмкін еді. Ол болуы ықтимал салдарға алаңдап, дереу көмек сұрады. Құтқарушылар оқиға орнына жедел барды, келген кезде дабылдың себебі шын мәнінде шам екені анықталды. Әйелдің 112 шұғыл құтқару қызметі нөміріне уақтылы қоңырауының арқасында өртті болдырмауға мүмкіндік туды.

«Юлия Шимон ерекше қырағылық танытты, бұл қайғылы салдардың алдын алуға мүмкіндік берді. Оның уақтылы және шешуші әрекеті – әр азаматтың байқампаздығы мен абай болуы маңызды екенінің айқын мысалы. Біз осындай адамдарды мақтан тұтамыз және оның әрекеті басқаларға үлгі болады деп үміттенеміз», - деді Астана қаласы ТЖ департаменті бастығының міндетін атқарушы Мадияр Мырзагелдиев.

Оның қырағылығын, жауапкершілігін және белсенді азаматтық ұстанымын ескере отырып, ТЖМ басшысының тапсырмасы бойынша Юлия Шимон грамотамен марапатталды. Марапатты Астана қаласы Төтенше жағдайлар департаменті бастығының міндетін атқарушы Мадияр Мырзагелдиев табыс етті.

«Мен құтқарушыларға олардың кәсібилігі мен жедел әрекеті үшін алғыс айтамын», - деді Юлия Шимон. - Олардың жұмысы өте маңызды, мен елордада нағыз кәсіби мамандар жұмыс істейтінін мақтан тұтамын. Барлығыңызды мұқият және жауапты болуға шақырамын, өйткені қауіпсіздік бізден басталады».