Іздеу Жуырда «Игроманка» фильмі көрермен назарына ұсынылады
Елорда ақпарат
1 мамырдан бастап Қазақстан кинотеатрларында жаңа фильм көрсетіледі, деп хабарлады Elordainfo.kz.
«Игроманка» фильмінде тәуелділіктің құрбаны болған әйелдің оқиғасы баяндалады.
Фильмде Жұлдыз есімді орта жастағы қазақ әйелінің құмар ойынға тәуелділігі оны өзіндік болмысынан айырады. Мансабын, отбасын, жеке басын тәуекелге тігіп, бәрінен айырылады. Бірақ ол жаңа өмір бастау үшін күш таба ала ма, әлде тәуелділіктің тұзағына қайта түсіп қалады ма?
Режиссер Алдияр Байракимовтың «Паралимпиадашы» фильмімен танымал болғанын ескерсек, бұл фильм әлеуметтік драманың маңызды туындысы деуге болады. Басты рөлде актриса Гүзель Жан ойнайды.
Фильм шынайы оқиғаға негізделген және елімізде кең тараған ойынқұмарлық мәселесін қозғайды. Түсірілім Астана мен Бурабайда өткен.
