Танымал вайнер Мейіржан Төребаев үйленетінін анасына қалай айтты

Белгілі вайнер Мейіржан Төребаевтың анасы ұлының блогер Дана Есееваға үйленетін шешімі қалай қабылданғанын LS stories бағдарламасында айтты, деп хабарлады Elordainfo.kz.

 «Ұлым (ред: Мейіржан Төребаев) үйленем деп аяқ-асты айтты. «Ертерек айтпайсың ба? Менің отчетым бар» дедім. Бухгалтерміз ғой. Бізді онсыз босатпайды. «Жарайды енді. Отчетымды тапсырайын» деп қысқа қайырдық. Осылайша телефонмен көп нәрсені  айтпадық. Балам – ұялшақ, ол кезде ұлым  күле береді. Ол маған өзінің қызы бар екенін айтпайды.  Ал мен бір қыздың суретін  совхоздан  жасырып алдырып, әуре болып жүрсем... (күліп). Суретті көргенде Мейіржан «түрі жаман, семіз ғой» деп күледі. Ал мен «жоқ, әдемі, енді арықтайды ғой» деймін. Ол «Жоқ, мама, болмайды, бұл семіз» дейді», - деді Мейіржан Төребаевтың анасы Сұлухан Тілеуова.

Алайда вайнер сол кезде анасына Дана Есеева есімді қызы бар екенін айта алмайды.

«Содан мен: «онда мен басқа қызды көрейін» дегенде  ұлым өзінің қызы бар екенін айтты. Қай жақтың қызы екенін сұрадым. Ол Жезқазғаннан екенін айтты. Мен «Ойбай, балам, ол біздің дәстүрімізді білмейді ғой. Басқа жақтың қызы. Сосын енді баламның ойын байқадым. Менің айтқанымды қылмайды екен.Ал әкесі баласына қарсы келмейтін», - деді Мейіржан Төребаевтың анасы.