Астанада «Танцевать под дождем» деректі фильмі көрсетіледі

1 сәуірде Астанадағы Ресей ғылымы мен мәдениеті орталығында «Танцевать под дождем» деректі фильмі көрсетіледі, деп хабарлады Elordainfo.kz.

Қолдың пластикасы, музыка ырғағындағы қозғалыстар, синхрон және құмарлық. Көріністі көріп отырғанда, көрермен сахнада нағыз кәсіби бишілер деп ойлап қалатындай. Алайда олардың көпшілігі мүмкіндігі шектеулі жандар екеніне сену қиын. Олардың қатарында көру және есту қабілеті нашар, Даун синдромы, аутизм, церебральды сал ауруы бар бишілер бар.

Әрбір қозғалыс оларға қиындықпен беріледі, нәтиже таңқаларлық. Сахнадағы көрініске, талантқа, еңбекқорлыққа таңданудан көзге жас алдырады.  Әр әртістің артында қайғы, қуаныш пен үмітке толы өз тарихы бар.

«Танцевать под дождем» толықметражды деректі фильмінің сюжеті Ресейдің бес қаласындағы кейіпкерлердің өміріне негізделген. Күн сайын кездесетін кедергілерге қарамастан, оларды махаббат пен би біріктіреді. Деректі фильмнен дайындық пен спектакльдердің кадрларын, мүмкіндігі шектеулі бишілердің ата-аналары мен педагогтерінің тарихын көруге болады. 

Ресейдегі инклюзивті би қозғалысының негізін қалаушы, Халықаралық инклюзивті би қауымдастығының негізін қалаушы, Inclusive Dance фестивалінің жетекшісі Леонид Тарасов Астанадағы Ресей ғылымы мен мәдениеті орталығына аутизм туралы ақпаратты таратудың дүниежүзілік күніне осындай сый жасайды.

Фильм Ресей Федерациясының Президенттің мәдени бастамалар қорының қолдауымен түсірілген.  Көрсетілім құқықтары «Одухотворение» әлеуметтік-мәдени анимация орталығы» автономды коммерциялық емес ұйымы құзыретінде.

Өтетін уақыты мен орны: 18.30-да, Кенесары көшесі, 39. Кіру тегін.