Жоғалған балықшылардың денесі табылды

5 сәуір, 2025
Жібек Наурыз Жібек Наурыз
Жоғалған балықшылардың денесі табылды
Фото: AtyrauPress

Қайғылы оқиға Құрманғазы ауданында болды, деп хабарлады Elordainfo.kz  AtyrauPress-ке сілтеме жасап. 

«Gwonline» телеграм-арнасының мәліметінше, 3 сәуірде Каспий теңізінің жағасында бұрын теңізге балық аулауға шыққан және хабар-ошарсыз кеткен екі адамның денесі табылды.

Атырау облысының Төтенше жағдайлар департаментінің мәліметінше, қаза тапқандар 1981 және 1991 жылы туған ер адамдар. 1 сәуірде олар балық аулауды жүзеге асыру үшін Каспий теңізі бағытындағы «Новинск» каналы арқылы қайықпен шықты. Осыдан кейін олармен байланыс үзілді.

Іздеу жұмыстары бірнеше күн бойы жүргізілді, тек 3 сәуірде «Каспий таңы» өндірістік кооперативінің қызметкерлері балықшылардың денелерін жағадан 70 шақырым қашықтықта тапты.

Оқиғаның мән-жайы нақтылануда.