«Айдың соңына дейін»: министр жеке куәлікті үйден шықпай ауыстыруға болатынын айтты

Бұл туралы Цифрлық даму, инновациялар және аэроғарыш өнеркәсібі министрі Жаслан Мәдиев Үкімет отырысында айтты, деп хабарлады Elordainfo.kz.

«Ең сұранысқа ие қызметтердің бірі – жеке куәліктерді ауыстыру. Бұрын aзаматтарға ХҚКО-ға келу, фотоға түсіру және ұзақ кезекке тұру қажет болатын. Айдың соңына дейін бұл процесс толығымен онлайн форматқа көшіріледі. Біз процестерді сәтті сынақтан өткіздік. Алдағы уақытта фотосуреттің талаптарға сәйкестігін маманның орнына ЖИ бағалайтын болады. Процесс барынша қарапайым: идентификациядан өту, фото мен қолтаңбаны жүктеу, онлайн төлем жасап, онлайн құжат дайын болғаны туралы смс күту. ХҚКО-ға барып кезекке тұрмай-ақ, бәрі үйден шықпай жасалады. Сервис шамамен 1 млн азаматтың ХҚКО-ға бару қажетілігін жояды», - деді Жаслан Мәдиев.