Ерлан Каналимов: Сессияда мәслихат депутаттарын сайлау қорытындылары жарияланды

Бұл туралы Астана қаласы мәслихатының төрағасы Ерлан Каналимов өзінің Facebook-тегі парақшасында жазды, деп хабарлады Elordainfo.kz.

«Астана қаласы сайлау комиссиясының төрағасы Бейсембай Жұмабеков кезекті сессия басталар алдында «Байқоңыр» ауданының №6 бір мандатты сайлау округі бойынша Астана қаласы мәслихат депутаттарының сайлау қорытындыларын жариялады. 8 желтоқсан күні елордада 19 сайлау учаскесі жұмыс істеген болатын. Сайлау нәтижесінде депутаттық мандатқа көпшілік дауыспен «Технологиялық колледжі» директоры Ляззат Разбекова-Төлеуханова ие болды», - деп жазды Е.Каналимов.  

Ол, сондай-ақ, осы округтің депутаты Нұрлан Көпешов «Энергетика басқармасы» ММ басшысы қызметіне тағайындалғаны, ал Ляззат Разбекова-Төлеуханова бұған дейін елордалық мәслихаттың VII сайланым депутаты болғанын еске салды.

Астана қаласы мәслихатының төрағасы әріптестерінің атынан жаңа депутатқа қала тұрғындарының игілігі үшін атқаратын қызметіне сәттілік тіледі.