Астанада дәрігерлер жүкті әйелді клиникалық өлімнен құтқарып қалды

№2 қалалық көпбейінді ауруханаға жағдайы өте ауыр жүкті науқас жедел жәрдем қызметімен жеткізілді. 30 жастағы Анастасия жүктілік кезіндегі ауыр созылмалы аурудың салдарынан жүректің үш рет тоқтауынан кейін шок күйінде жеткізілді, деп хабарлады Elordainfo.kz қала әкімдігінің ресми сайтына сілтеме жасап.

Дәрігерлер реанимация бөлімшесінде ӨЖЖ аппаратына қосылған науқастың өмірі үшін 3 апта бойы күресті. Ауруханаға түскен күннен бастап бір апта өткен соң Анастасия есін жиып, оңалтудан кейін гинекология бөлімшесіне ауыстырылды. Бір ай бойы барлық медициналық қызметкерлердің қажырлы еңбегі арқасында науқас тыныс алуды, тамақтануды, жүруді және сөйлеуді қайта үйренді.

Аурухананың барлық медициналық қызметкерлеріне алғысын білдіріп: «Олар менің баламды құтқарып, ана дүниеден қайта шығарды», – дейді Анастасияның анасы.

Гинекология бөлімшесінің меңгерушісі Оразалы Абдраманов бүгінде науқас өзін жақсы сезінетінін және ауруханадан шығуға дайындалып жатқанын атап өтті.