ЖРВИ кезеңінде жүкті әйелдерге медициналық көмек күшейтіледі

Фото: freepik.com

Денсаулық сақтау министрлігі ЖРВИ және пневмония жағдайларының өсуі аясында жүкті әйелдер мен босанған әйелдерге сапалы және уақтылы медициналық көмек көрсету үшін қосымша шаралар қабылдап жатыр, деп хабарлады Elordainfo.kz.

Өңірлерге пульмонологтар, инфекционистер, реаниматологтар және медициналық жоғары оқу орындары мен республикалық клиникалардың акушер-гинекологтары кіретін көпбейінді көшпелі командалар жіберілді.

Жұмыстың басты мақсаты - медициналық көмектің сапасын арттыру, өңірлік мамандарды әдістемелік қолдау және денсаулық сақтаудың республикалық және жергілікті деңгейлері арасындағы өзара іс-қимылды нығайту.

Сапар барысында мамандар:

1)1000-нан астам медицина қызметкерлеріне консультация беру және оқыту жүргізілді;

2)Олар клиникалық жағдайларды талдап вирустық инфекциялар мен асқынулары бар ппциенттерді басқару тәсілдерін нақтылады;

3)Пациенттердің маршрутталуы мен ұйымдастырушылық процестерін бағалады; ауыр жағдайларды емдеуде практикалық көмек көрсетілді.

Денсаулық сақтау министрлігі эпидемиологиялық жағдайды бақылауды жалғастыруда және болашақ аналар мен жаңа туған нәрестелердің денсаулығын қорғау үшін барлық қажетті шараларды қабылдауда.

Бұған дейін жүкті әйелдерге МӘМС бойынша қандай қызметтерді тегін алуға болатынын жаздық.

Әлеуметтік желілерді бөлісіңіз