«14 карат»: Ерке Есмахан күйеуі Раймның сыйлығын көрсетті

Фото: https://www.instagram.com/stories/erke_esmahan

Өнер иесі перзентханаға барар алдында күйеуінен сыйлық алды. Бұл туралы Ерке Есмахан өзінің Instagram парақшасында жариялады, деп хабарлады Elordainfo.kz.

«Күнде күйеуіме бекер дәмді тағамдар дайындап жүрген жоқпын. Бриллианттардың ортасына алып келді. Түрлі түсті тастары бар жүзікке қызығып жүр едім. Көздің жауын алатын тастар екен. Өзіме изумруд тасы бар жүзік ұнап тұр. 14 карат екен», – деп жазды әнші.

Одан кейін жүкті кезде алған сыйлықтарын босанғаннан кейін оқырманға көрсететінін жеткізді.

«Күйеуім бір сақинамен тоқтамады. Алла бұйырса, аман-есен босанып алайын, сосын аяғым ауыр кезде алған барлық сыйлыққа анпакинг жасаймын. Қыздар, бар жақсылыққа лайықпыз. Осыны ұмытпаймыз», – деді өнер иесі.

#Ерке Есмахан