AMANAT партиясының елорда филиалы қала тұрғындарының нақты мәселелерін шешті

AMANAT партиясының елорда филиалы қала тұрғындарының мәселелерін шешу жөніндегі нақты нәтижелерін бөлісті, деп хабарлады Elordainfo.kz саяси бірлестікке сілтеме жасап.

Санаторийге жолдама алу

1 кезең – Мәселенің мәні
«AMANAT» партиясының Астана қалалық филиалының Қоғамдық қабылдауына зейнеткер ерлі-зайыптылар жүгінді. Олар санаторий-курорттық ем алғысы келгенімен, қайда бару және құжаттарды қалай рәсімдеу керектігін білмеген.

2 кезең – Шешім
Қоғамдық қабылдау кеңесшілері оларды Жұмыспен қамту басқармасының басшысы Скуб И.В. қабылдауына жазды. Онда зейнеткерлер өз тілектерін жеткізді. Кейін оларды басқармаға шақырып, қажетті құжаттарды жинауға көмектесті және санаторий-курорттық жолдама рәсімделді.

3 кезең – Нәтиже
Қыркүйекте ерлі-зайыптылар Сарыағашқа тегін 15 күндік емделуге аттанады. Олар партияға хабарласып, көрсетілген қолдау үшін AMANAT партиясына және мемлекеттік органдарға алғыстарын білдірді. Зейнеткерлер 7 жыл бойы зейнетте жүріп, алғаш рет әр екі жылда бір рет осындай мүмкіндік берілетінін білгендерін атап өтті.

Үйге қол жеткізу

Бірінші кезең: мәселенің мәнін көрсету

Т. тұрғын үй мәселесі бойынша "AMANAT" партиясының қоғамдық қабылдау бөлмесіне жүгінді. Оның жиені "I және II топтағы мүгедектер"санаты бойынша тұрғын үйге кезекте тұр. Тұрғын үй және тұрғын үй инспекциясы басқармасының басшысы А. А. Саиповтың қабылдауына бірнеше рет жазыла отырып, өтініш беруші қолданыстағы мемлекеттік тұрғын үй бағдарламалары туралы түсініктеме алды.

Екінші кезең: мәселені шешу

Мамандар өтініш берушімен өтінішті қараудың барлық кезеңдерінде бірге жүрді, тұрғын үй алудың құқықтық аспектілері мен рәсімдері бойынша кеңес берді. Қабылдау барысында тұрғын үйді бөлу тетіктері және мемлекеттік бағдарламаларға қатысу мүмкіндіктері туралы егжей-тегжейлі түсініктемелер берілді.

Үшінші кезең: нәтиже

Т. партияның қоғамдық қабылдау бөлмесіне алғыс сөздерімен келді. Ол қуанышты жаңалығын бөлісті – жиені мемлекеттік бағдарлама бойынша баспана алды. Алғыс ретінде өтініш беруші көптен күткен тұрғын үйді алу сәтін түсірген бейнеролик тапсырды.

Балабақшаға орналастыру

Бірінші кезең: мәселенің мәні
AMANAT партиясының қоғамдық қабылдау бөлмесіне азаматша екі баласын балабақшаға орналастыруға көмек сұрап жүгінді. Сондай-ақ, ол Астана қаласы әкімінің орынбасары Байкен Е.Б. қабылдауына жазылғысы келді.

Екінші кезең: мәселені шешу
Партия алаңында қабылдау ұйымдастырылып, онда азаматша өз жағдайын толық баяндады. Қала әкімінің орынбасары бұл мәселені бақылауға алды. Кейін білім басқармасының мамандары өтініш берушімен бірге Indigo порталында қажетті барлық кезеңдерден өтіп, ваучер рәсімдеді.

Үшінші кезең: нәтиже
Балалар «Нұр Мәдияр» және «Көжек» балабақшаларына сәтті орналастырылды. Осыдан кейін өтініш иесі AMANAT партиясына қайта келіп, алғысхат жазып, көрсетілген көмек пен қолдау үшін шынайы ризашылығын білдірді.

№4 сайлау округіндегі тігін орталығын қолдау

I кезең: Мәселенің мәні

Астана тұрғыны - шебер және тігінші, 32 жылдық жұмыс тәжірибесі бар азаматша өтінішпен жүгінді.
Ол 20 шаршы метр алаңды жоғары бағамен жалға алып, бұл оның қаржылық қиындықтарын туғызып, қызметінің дамуына шектеулер қойды. Осы қызметі әйелдерді, соның ішінде ерекше қажеттіліктері бар адамдарды жұмысқа орналастыруға бағытталған.

II кезең: Мәселені шешу

Сайлаушылармен қабылдау аясында тігін орталығына «Astana» ӘКК» АҚ өкілімен бірге бару ұйымдастырылды. Кездесу барысында жұмыс жағдайлары талқыланып, тігіншінің ұсыныстары мен жоспарлары тыңдалды.
Кездесу нәтижесінде депутат Ажикенова М.Б. ресми сұрау жолдады, оның мақсаты — бос тұрған ғимаратты жеңілдетілген шарттармен беру мүмкіндігін қарастыру. «Astana» ӘКК» АҚ орталық қызметінің презентациясын ұсынған жағдайда бұл мәселені қарастыруға дайын екендіктерін білдірді.

III кезең: Нәтиже

«Astana» ӘКК» АҚ-мен бірлесіп, «Қарызсыз қоғам» партия жобасы аясында жаңа, кең әрі жарық 140 шаршы метр алаңдағы ғимарат берілді. Бұл ғимарат тұрғын үй кешенінде орналасқан және жеңілдетілген жалға алу шарттары бойынша ұсынылды.
Қазіргі уақытта ғимаратта жөндеу жұмыстары жүргізілуде. Бүгінгі күні кәсіпкер үш ерекше қажеттіліктері бар әйелді тұрақты жұмыспен қамтамасыз етуде. Жоба әлеуметтік жауапкершілікті және шағын бизнесті қолдаудың сәтті үлгісі ретінде дамып келеді.
AMANAT партиясы жобаны әрі қарай қолдап, орталықтың толық жұмысын қамтамасыз етуге көмек көрсетуді жалғастырады.

Коммуналдық қызметкерлердің «Наурыз жұмыскер» ипотекалық бағдарламасына қатысуын қамтамасыз ету

I кезең: Мәселенің мәні
2025 жылдың басында AMANAT партиясынан сайланған Астана қалалық мәслихатының депутаты Л.М.Разбековаға «Астана Тазалық» ЖШС қызметкерлерінен өтініштер түсті. Бұл мекемеде 2 мыңнан астам коммуналдық сала мамандары жұмыс істейді. Олар «Наурыз жұмыскер» ипотекалық бағдарламасына қатысамыз деп үміттенген. Алайда жарияланған мамандықтар тізімінде коммуналдық қызметкерлердің мамандықтары көрсетілмегені белгілі болды. Бұл жағдай әділетсіздік ретінде қабылданып, наразылық тудырды.

II кезең: Мәселені шешу
Аталған мәселені назарға алған AMANAT партиясының депутаты Разбекова Л.М. жауапты органдарға — «Отбасы банк» АҚ мен Еңбек және халықты әлеуметтік қорғау министрлігіне депутаттық сауал жолдады. Сауалда коммуналдық сала қызметкерлерінің бағдарламаға қатысу қажеттілігі нақты көрсетілді.

III кезең: Нәтиже
Жолданған депутаттық сауал негізінде мәселе оң шешімін тапты. Коммуналдық қызметкерлер бағдарламаға енгізіліп, қазіргі таңда «Астана Тазалық» ЖШС-нің алғашқы мамандары баспаналы бола бастады. Депутат Разбекова Л.М. көрсеткен қолдауы мен жедел әрекеті үшін «Отбасы банк» АҚ мен Еңбек және халықты әлеуметтік қорғау министрлігіне алғыс білдірді.
Өз кезегінде мекеме қызметкерлері өз мәселелеріне бейжай қарамай, әлеуметтік маңызы бар мәселені шешуге көмектескені үшін депутатқа алғыстарын жеткізді.

Несиені жеңілдетудегі көмек

Бірінші кезең: мәселенің мәні
Г. AMANAT партиясына көмек сұрап жүгінді. Ол 3-топ мүгедегі, алда жоспарланған отаға дайындалып жатқандықтан, уақытша еңбекке жарамсыз болды. Қолында екі кәмелетке толмаған баласы бар. Қаржылық қиындықтарға байланысты ол несие төлемінің жаңа кестесін қарастыруды және азық-түлікпен қолдау көрсетуді сұрады.

Екінші кезең: мәселені шешу жолы
Партия қызметкерлері өтінішті мұқият қарап, азаматшаны «Қарызсыз қоғам» жобасының мамандарына бағыттады. Жоба өкілдерімен бірлесіп, банкке тиісті өтініш дайындалып, ресми хат жолданды.

Үшінші кезең: нәтиже
Банк өтінішке оң көзқарас танытып, жаңа төлем кестесін бекітті: 5 қазанға дейін ай сайын 16 000 теңге көлемінде төлем жасауға рұқсат берілді. Г. AMANAT партиясына және «Қарызсыз қоғам» жобасының қызметкерлеріне көрсеткен көмектері мен қолдаулары үшін шын жүректен алғыс білдірді.

Қарызсыз отбасы

I кезең – Мәселенің мәнін баяндау
Өтініш білдіруші А. жолдасы И.-мен бірге екі бала тәрбиелеп отыр. Бұған дейін отбасы кіші қыздарының ауыр науқасына байланысты қиын өмірлік кезеңнен өткен. Қызын емдету үшін олар несие алуға мәжбүр болды. Кейін бір несиені жабу үшін тағы бір несие алып, осылайша отбасы күрделі қаржылық жағдайға тап болды. Қазіргі уақытта әкесі жұмыс іздеуде, алайда орта білімі болмағандықтан, жұмысқа орналасу қиынға соғып отыр. Анасы күндік төлеммен ыдыс жуушы болып жұмыс істейді, оның табысы күнделікті қажеттіліктерге әрең жетеді.

II кезең – Мәселені шешу
AMANAT партиясының қабылдауында ерлі-зайыптылар өз жағдайларын айтып, көмек сұрады. Өтініш қаралған соң, олар «Қарызсыз қоғам» партиялық жобасының мамандарына жолданды. Үйде интернет пен компьютер болмағандықтан, өтініш берушілер банкроттық рәсіміне онлайн түрде өтініш бере алмаған. Жоба мамандары банкроттық рәсімінің тәртібін жан-жақты түсіндіріп, қажетті құжаттарды жинауға көмектесті, өтінішті электронды түрде толтырып, тиісті жүйеге жолдады.

III кезең – Нәтиже
«Қарызсыз қоғам» жобасының көмегімен отбасының банкроттық туралы өтініші мақұлданды. Бұл шешім отбасының ауыр қарыздық жүктемеден арылуына және қаржылық жағдайын жеңілдетуге мүмкіндік берді. А. мен оның жолдасы қиын сәтте көрсетілген қолдау мен көмегі үшін AMANAT партиясына және жоба мамандарына шын жүректен алғыстарын білдірді.

Мүгедек баланы тәрбиелеп отырған қамқоршыға сауда орнын беру мәселесі

1-кезең: Мәселенің мәні
Азамат А. бала кезінен мүгедек баланы тәрбиелеп отырған қамқоршы ретінде жаз мезгілінде қосымша табыс табу мақсатында қалалық саябақтан немесе Арбаттан сауда жасау үшін уақытша орын беруді сұрап жүгінді. Ол отбасының әлеуметтік жағдайының күрделі екенін және жұмыс істеу мүмкіндігінің шектеулі екенін атап өтті.

2-кезең: Мәселені шешу
Азамат бұл мәселесін қалалық мәслихаттың депутаты Адамбек К.С. қабылдауында көтерді. Қабылдаудан кейін депутат тиісті органдарға сұрау салып, мәселені назарға алды. Нәтижесінде мамыр айының ортасында өтініш иесіне Арбаттан сауда орны берілді.

3-кезең: Нәтиже
Мәселе оң шешімін тапқаннан кейін азамат А. партия мен депутатқа алғысын білдіру үшін арнайы келіп, көрсетілген қолдау мен көмектері үшін шынайы ризашылығын жеткізді.

Жалақы өтелуін қамтамасыз ету                         

1-кезең. Мәселенің мәні
AMANAT партиясының қоғамдық қабылдауына азаматша К. жалақысының төленбеуі мәселесімен жүгінді. Жағдайды күрделендіргені – жұмыс берушімен еңбек шартының болмауы еді. Өтініш беруші химиялық тазалауда жұмыс істеп, еңбек қатынастарын растайтын құжаттары болмаған.

2-кезең. Мәселені шешу
Әр сәрсенбі сайын Астана қаласы адвокаттар алқасымен бірлесіп өткізілетін «Құқықтық көмек» тақырыптық қабылдауы аясында адвокат Тамабаева Алия Қайрошқызы өтініш берушіге тегін құқықтық көмек көрсетті. Жалақыны, өсімпұлды және моральдық зиянды өндіріп алу туралы талап арыз дайындалып, адвокат сотқа талап арызды қалай және қайда беру қажеттігін жан-жақты түсіндірді.

3-кезең. Нәтиже
Өтініш беруші сотқа талап арыз берді. Сот процесі барысында сот тараптарға татуласу келісімін жасауды ұсынды. Жұмыс беруші А.-ға жалақы қарызын, өсімпұлды және моральдық шығынды төлеуге келісімін берді. Мәселе оң шешімін тапты. Өтініш беруші адвокатқа және AMANAT партиясына көрсетілген көмек пен мәселенің шешілуіне қолдау білдіргені үшін алғысын айтты.

Еңбекақыны өтеу

1-кезең. Мәселенің мәні
AMANAT партиясының қоғамдық қабылдауына үш азамат жүгініп, ПИК тарапынан еңбекақы төленбеуі бойынша ұжымдық арыз жазды. Шағымданушылардың ішінде бір тазалықшы мен екі аула сыпырушы бар, жалпы берешек көлемі 630 мың теңгені құрады.

2-кезең. Мәселені шешу
Өтінішті партиялық бақылау инспекторы Сұлтанбек Н. қарап, жұмыс берушімен кездесіп, мәселені талқылады. Тараптар келіссөздер барысында ортақ мәмілеге келіп, қызметкерлердің еңбекақысы тамыз айының басында толықтай төленетіні туралы келісімге қол жеткізді.

3-кезең. Нәтиже
Аталған мерзімде жұмыс беруші еңбеккерлердің еңбекақысын толық көлемде төледі. Өтініш берушілер қайтадан қоғамдық қабылдауға келіп, AMANAT партиясына көрсетілген қолдау мен әділ шешім үшін алғыстарын білдіріп, жазбаша түрде ризашылықтарын жеткізді.