Бүгін ТЖМ жедел-құтқару жасағының құтқарушылары елордадағы «Сарыарқа» көпірінен секіріп кеткен адамды құтқарды, деп хабарлайды Elordainfo.kz.
«Оқиға орнына жедел келген құтқарушылар судан 2005 жылы туған жас жігітті алып шықты. Ер адам жақын маңда орналасқан жедел құтқару жасағының базасына жеткізіліп, оған жедел құтқару жасағының дәрігері мен психологы алғашқы медициналық көмек көрсетті», - делінген хабарламада.
Құтқарушылар Нұрлан Бекенов, Рахат Кендібаев және Мейіржан Есенбековтің кәсіби және үйлесімді әрекеттерінің арқасында ер адамның өмірі құтқарылды.
Оқиғаның мән-жайы анықталуда.
