Қазақстандық дзюдошы Аустрияда өтіп жатқан турнирде алтын жүлде алды

Фото: Спортты дамыту дирекциясы

Дзюдодан Қазақстан құрамасының өкілі Әділет Алмат Австрияның Линц қаласында өтіп жатқан Гран-при турнирінде алтын жүлде жеңіп алды, деп хабарлайды, деп хабарлайды Elordainfo.kz Olympic.kz-ке сілтеме жасап.

Отандасымыз 81 келіге дейінгі салмақта ел намысын қорғады.

Әділет Алмат ақтық сында әзірбайжандық Вусал Галандарзадемен өзара мықтыны анықтады. Нәтижесінде қазақстандық балуан айқын басымдықпен жеңіске жетті.

Осылайша, Қазақстан құрамасының қоржынында екі жүлде бар. Бұған дейін Шерзод Давлатов (60 келіге дейін) қола медальға ие болған еді.

Еске салайық, бұдан бұрын қазақ спортшысы фристайл-акробатикадан Еуропа кубогы кезеңінде алтын медаль иеленгені туралы жаздық.