Халықаралық олимпиада жеңімпаздарына 100 млн көлемінде сыйақы табысталды

Елімізде 2022 жылдан бастап халықаралық олимпиада жүлдегерлеріне қаржылай сыйақы тағайындалып келеді. Атап айтқанда, алтын медаль иегерлеріне – 1500 АЕК-ке дейін; күміс медаль иегерлеріне – 1000 АЕК-ке дейін; қола медаль иегерлеріне –500 АЕК-ке дейін сыйақы беріледі, деп хабарлады Elordainfo.kz.

«2025 жылы олимпиада жеңімпаздары мен олардың тәлімгерлеріне жалпы сомасы 100 млн теңгеден астам біржолғы сыйақы берілді. Мемлекеттік қолдау тек оқушыларға ғана емес, олардың жетекшілеріне де бағытталған», - деді ҚР Оқу-ағарту министрлігі Орта білім комитетінің төрағасы Қаныбек Жұмашев ОКҚ алаңында өткен баспасөз конференциясында.

Сонымен қатар, халықаралық олимпиада жеңімпаздары «Болашақ» бағдарламасы бойынша оқуға мүмкіндік алды.