Елордадағы балалар ауруханасында азаматтық коалиция өкілдерімен кездесу өтті

Фото: Астана қаласы №3 көпбейінді қалалық балалар ауруханасы

Бүгін елордадағы №3 көпбейінді қалалық балалар ауруханасында «Әділетті және прогрессивті Қазақстанның халықтық Конституциясы үшін!» жалпыұлттық коалициясының Астана қаласы «Есіл» аудандық штабы өкілдерімен кездесу өтті, деп хабарлайды Elordainfo.kz.

Кездесу барысында аурухана қызметкерлеріне конституциялық реформалардың негізгі бағыттары түсіндірілді.

Іс-шара аясында адам құқықтары мен бостандықтарының басымдығы, заң үстемдігі, мемлекеттің зайырлы қағидаттары, сондай-ақ білім, ғылым және инновацияға негізделген ел дамуының жаңа бағыттары талқыланды.

Еске салсақ, Астанада жалпыұлттық коалиция штабының өкілдері Конституциядағы өзгерістерді түсіндірді.