Жетісу облысында жолдарда қауіпсіздік шаралары күшейтілді

Жетісу облысының жолдарында қауіпсіздік шаралары күшейтілді, деп хабарлады Elordainfo.kz Polisia.kz-ке сілтеме жасап.

13 қаңтардан бастап облыстың жолдарында жол қозғалысы қауіпсіздігін қамтамасыз етуге арналған жаңа шаралар іске қосылады. Осы мақсатта төрт патрульдік экипаж бен бір жедел жәрдем көлігі заманауи «Ekin Patrol» мобильді аппараттық-бағдарламалық кешенімен жабдықталып, қызметке кіріседі.

 «Ekin Patrol» — жол қозғалысы қауіпсіздігін арттыруға арналған заманауи жүйе. Ол:

• қарама-қарсы және бір бағытта келе жатқан көліктердің жылдамдық режимінің бұзушылықтарын тіркейді;

• 360 градустық панорамалық бақылау арқылы іздеуде жүрген көлік құралдарын анықтайды;

• құқық бұзушылықтарды автоматты түрде тіркеп, жауапкершілікке шақыру туралы нұсқамаларды жолдайды.

Бұл шаралар жол қозғалысы қауіпсіздігін күшейтуге және қоғамдық тәртіпті жақсартуға бағытталған. Мұндай технологияларды енгізу барлық жол қозғалысына қатысушылардың қауіпсіздігін қамтамасыз етуге бағытталған.

Сонымен қатар бұл шаралар жолдардағы қоғамдық тәртіпті жақсартуға және жүргізушілердің жауапкершілік деңгейін арттыруға септігін тигізеді.