Шымкентте 400-ге жуық жас сарбаз әскери ант қабылдады

Шымкентте Ұлттық ұланның 6506 әскери бөлімінде жас сарбаздардың әскери ант беру салтанатты рәсімі өтті, деп хабарлады Elordainfo.kz.

400-ге жуық әскерилер Отанына, халқына және Қазақстан Республикасының Конституциясына адал болуға ант берді.

Іс-шараға бір жарым мыңға жуық қонақ келді - бұл маңызды сәтті олармен бөлісу үшін Қазақстанның барлық аймағынан келген сарбаздардың ата-аналары мен жақындары. Туыстарының қолдауы сарбаздар үшін бірліктің және Отанға деген сүйіспеншіліктің ерекше символына айналды.

Салтанатты іс-шараны 6506 әскери бөлімінің командирі полковник Марат Рахпанов ашты, ол өз сөзінде әрбір ер адам үшін әскери қызметтің маңыздылығын атап өтіп, барлық сарбаз өздерінің әскери борышын лайықты орындайтынына сенім білдірді.

«Бүгін Сіздер Отанымыздың толыққанды қорғаушыларына айналдыңыздар. Осы күннен бастап Сіздер тек жауапкершілікті ғана емес, сонымен қатар Ұлттық ұлан қатарында қызмет ету мәртебесін де көтересіз. Берген анттарыңызға адал болыңыздар», - деді Марат Оралұлы.

Сондай-ақ әскерге шақырылушыларға Ұлттық ұлан ардагерлері мен әскери қызметшілердің ата-аналары құттықтау сөз сөйледі. Іс-шара барысында сарбаздардың бірі ана туралы ән орындады, кейін жеке құрам  «Мен Қазақпын» патриоттық әнін шырқады.  

Әскер қатарына шақырылғандардың бірі, Тараз қаласынан келген Батырхан Емберген де өз әсерімен бөлісті.

«Мен үшін бүгін – маңызды күн. Бала кезімнен әскери киім киіп, еліме қызмет етуді армандадым», - деді ол.

Іс-шара соңында жас сарбаздар салтанатты шерумен өтті. Кейін олар ата-аналарымен серуендеп қайтты.