Едіге Емберді ауыр атлетикадан Азия чемпионатында рекорд жаңартты

Ауыр атлетикадан Астанада өтіп жатқан жастар және жасөспірімдер арасындағы Азия чемпионатында талантты спортшы Едіге Емберді рекорд жаңартып, топ жарды, деп хабарлады Elordainfo.kz. 

Негізгі бәсеке тек 3 спортшының арасында ғана өрбіді. Ересектер арасында Азия чемпионатының 4-орын иегері Хайитбой Абдушукуров, былтыр әлем рекордын жаңартып, 73 келідегі чемпион Ақжол Құрманбек және жастар мен жасөпірімдер арасында әлем чемпионы Едіге Емберді соңына дейін өзара күш сынасты.

Нәтижесінде Едіге Емберді серпе көтеру және қорытынды жаттығуда қос бірдей Азия рекордын жаңартып, чемпион атанды.

Едіге Емберді – 347 келі (153+194);

Ақжол Құрманбек – 343 келі (151+192);

Хайитбой Абдушукуров - 337 келі (152+185).

Айта кетейік, Едіге Емберді бұған дейін 2022 жылы да жастар арасында әлем рекордын жаңартып, Азия чемпионы атанған еді.