Шымкентте шетелдіктен аса ірі мөлшерде есірткі тәркіленді

Фото: Polisia.kz

Шымкентте шетелдіктен аса ірі мөлшерде есірткі тәркіленді, деп хабарлады Elordainfo.kz Polisia.kz-ке сілтеме жасап.

«21 жастағы ер адам қала аумағында «синтетика» таратумен айналысқан. Оны есірткі қылмысына қарсы күрес басқармасының қызметкерлері құрықтады. Тексеру барысында одан мефедрон салынған бумалар табылып, тәркіленді. Психотроптық заттардың жалпы салмағы 100 грамнан асады», - делінген хабарламада.

Ұсталған ер адам уақытша ұстау изоляторына қамалды. Анықталған жайт бойынша полиция тергеу әрекеттерін жүргізіп жатыр.

Тәртіп сақшылары есірткінің заңсыз айналымына байланысты қылмыстар үшін ұзақ жылдарға бас бостандығынан айыру жазасы көзделгенін ескертеді.