Павлодар облысында жол апатынан бір айлық сәби қаза тапты

Фото: Павлодар облысының полиция департаменті

Павлодар облысының Ребров ауылы маңында «Атамекен – Русская Поляна» автожолында жол-көлік оқиғасы орын алып, нәресте қаза тапты. Тағы үш адам ауруханаға жатқызылды, деп хабарлады Elordainfo.kz Pavlodarnews.kz-ке сілтеме жасап.

«LADA Granta және BMW маркалы көліктердің соқтығысуы салдарынан 2024 жылы туған қыз бала қаза тапты. 1996 жылы туған әйел мен 1996 және 1998 жылдары туған екі ер адам Павлодар №1 қалалық ауруханасына жеткізілді», – деді облыстық полиция департаментінің баспасөз қызметінде.

Қазіргі уақытта оқиға орнында полиция қызметкерлері жұмыс істеуде. Жол-көлік оқиғасының мән-жайы мен себептері анықталып жатыр.