Қылмыстардың 58 пайызы камералардың көмегімен ашылды – Ержан Сәденов

Бұл туралы ішкі істер министрі Ержан Сәденов Ішкі істер министрлігінде «Қоғамдық қауіпсіздікті қамтамасыз етудің өзекті мәселелері» тақырыбында өткен Үкімет сағатында айтты, деп хабарлады Elordainfo.kz.

«Бейнебақылау жүйелері дамып келеді. Бюджетке салмақ салмай, әртүрлі меншіктегі камераларды да іске қосып жатырмыз. Қазір қоғамдық орындарда 1,5 млн-нан астам камера жұмыс істейді. Оның 475 мыңы жедел басқару орталығына қосылған. Бұл жұмысты әлі де жалғастырамыз. Сауда орталығы мен базардан бастап вокзал мен әуежайға дейінгі ірі нысандарды қамтамасыз етіп жатырмыз. Бұған мектеп, кіреберіс, лифт және автобустар қосылып жатыр. Нәтижесі айқын. Қылмыстардың 58 пайызы солардың көмегімен ашылды. 523 мың әкімшілік құқық бұзушылықтың жолы кесілді. Барлық облыстарда жедел басқару орталықтары бар. Енді аудандарға да жеткізіп жатырмыз», - деді министр.