Қайрат Нұртастың әйелі гендер пати өткізді

www.instagram.com/zhuldyzabdukarimovaofficial

Әнші Қайрат Нұртастың әйелі Жұлдыз Әбдікәрімова гендер пати өткізді, деп хабарлайды Elordainfo.kz.

Актриса ютубтегі каналында видео жариялап, төрт баласымен бірге болашақ сәбидің жынысын анықтауға шешім қабылдағанын айтты.

«Бүгін бізде шағын гендер-пати. Сәлем ботақан! Ұл бол, қыз бол, дүниеге денің сау болып келуіңді тілейміз. Ең бастысы аман-есен жарық дүниеге келе ғой. Сені өте қатты күтеміз және жақсы көреміз», - дейді Жұлдыз видеода.

Осыдан кейін отбасы моти тәттісінің ішіне жасырылған түсті білуге кіріседі. Алайда қандай түс шыққанын өздері білгенімен, жұртқа жариялаған жоқ.

Желі қолданушылары «қыз болады» деп болжаған Қайрат Нұртастың екінші қызы Алаудың қатты қуанғанына қарап, қызыл түс шықты деп болжап жатыр.