Президент шыршасына 200 бала шақырылды

Бұл туралы Астана қаласының әкімі Жеңіс Қасымбек өзінің әлеуметтік желідегі парақшасында жазды, деп хабарлады Elorda.info.

Мереке күндері балаларға арнап жаңа жылдық шыршалар өткіземіз. Мемлекет басшысының атынан шырша мерекесіне 200 бала шақырылды. Олар – ата-анасының қамқорлығынсыз қалған, әлеуметтік аз қамтылған, көпбалалы отбасылардан шыққан, ерекше қажеттіліктері бар, сондай-ақ оқуда, спортта, шығармашылықта немесе қоғамдық өмірде жетістікке жеткен дарынды балалар, - деді әкім.

Балалар үшін түрлі-түске боялған шоу-қойылым ұйымдастырылды. 

Жаңа жылдық сыйлық ретінде киім, жұмсақ ойыншықтар, спорттық рюкзактар және т.б. сатып алуға болатын сертификаттар табысталды. Балаларға арналған шырша мерекесін аудан әкімдіктері де ұйымдастырады. Әрбір отбасыға, әр балаға зор денсаулық, бақыт, табыс және армандарының орындалуын тілеймін! Біз өз тарапымыздан балаларымыз бен ата-аналарымыздың жағдайын жасауды жалғастыра береміз! – деді Жеңіс Қасымбек.