Іздеу Елордада жөндеу жұмысына байланысты қандай көшелер жабылды
Ернұр Қайнар
Астанада бірқатар көшеде құрылыс және жөндеу жұмыстары жүргізіліп жатыр. Осыған байланысты қаладағы кейбір жол учаскелері уақытша жабылды, деп хабарлады Elordainfo.kz.
Елордалық Көлік және жол-көлік инфрақұрылымын дамыту басқармасы 16 мамыр күнгі мәлімет бойынша жабылған көше учаскелерін атады.
Толығымен жабылған көшелер:
* 20 сәуірден 20 тамызға дейін – Бұқар жырау көшесінің Тәуелсіздік даңғылынан Қ.Қайсенов көшесіне дейінгі учаскесінде (кварталішілік жолдармен баламалы қозғалыс ұйымдастырылады);
* 9 сәуірден 30 тамызға дейін – Күйші Дина көшесі Мирас мектебінен М.Жұмабаев даңғылына дейін;
* 29 сәуірден 30 тамызға дейін – Ж.Молдағалиев көшесі Е-41 көшесінен Е-32 көшесіне дейін (Қозғалыс балама көшелер мен кварталішілік жолдармен ұйымдастырылған);
Ішінара жабылған көшелер:
* 11-17 мамыр аралығында – Ш.Айтматов көшесі Ж.Молдағалиев көшесінен Ұлы Дала даңғылына дейін (көлік қозғалысы екі бағытта тараптардың бірі бойынша қамтамасыз етілген);
* 10-20 мамыр аралығында – Арқар көпірі (М1) (көлік қозғалысы екі бағытта тараптардың бірі бойынша қамтамасыз етілген);
* 9-17 мамыр аралығында – М.Жұмабаев даңғылы Б.Момышұлы даңғылынан Балқантау көшесіне дейін (көлік қозғалысы екі бағытта тараптардың бірі бойынша қамтамасыз етілген);
* 1 мамырдан 1 тамызға дейін – Ш.Бейсекова көшесі мен Н.Тілендиев даңғылының қиылысындағы көлік айырбасы (қозғалыс екі бағытта да 6 жолақты жолмен уақытша ұйымдастырылған);
* 14-17 мамыр аралығында – Ұлы Дала даңғылы Қабанбай батыр даңғылынан Мәнгілік Ел даңғылына дейінгі учаскеде (көлік қозғалысы екі бағытта тараптардың бірі бойынша қамтамасыз етілген);
* 14-22 мамыр аралығында – Домалақ ана көшесі Қорғалжын тасжолынан Қ.Мұхамедханов көшесіне дейінгі учаскеде (көлік қозғалысы екі бағытта тараптардың бірі бойынша қамтамасыз етілген);
* 15-20 мамыр аралығында – Тәуелсіздік даңғылы Қажымұқан көшесінен Күйші Дина көшесіне дейінгі учаскеде (көлік қозғалысы екі бағытта тараптардың бірі бойынша қамтамасыз етілген);
* 12-17 мамыр аралығында – Фахт бен Абдул Азиз көшесі К.Байсейітова көшесінен Ш.Бейсекова көшесіне дейін (көлік қозғалысы екі бағытта тараптардың бірі бойынша қамтамасыз етілген).
