1-сыныпқа құжаттарды қабылдау 1 маусымда басталады

Балаларды бірінші сыныпқа қабылдау, сондай-ақ, мектептен мектепке, сыныптан сыныпқа ауыстыру қызметі EGOV.kz электрондық үкімет порталы арқылы автоматтандырылған, деп хабарлайды Елорда Инфо. Ата-аналар порталда «Білім беру» бөлімінде «Орта білім беру» бөлімін таңдау арқылы кіріп, өтініш береді және қажетті құжаттарды тіркейді. Құжаттар тапсыру мерзімі – 15 минут. Мемлекеттік қызмет көрсету нысаны – электронды. Ата-ананың «жеке кабинетіне» баланың қабылданғаны не болмаса себебі көрсетілген қабылдаудан бас тарту туралы хабарлама келеді. Бұл үшін ата-ана тек қана 4 құжат тапсыруы қажет:баланың туу туралы куәлігінің көшірмесі; "Бала денсаулығы паспорты" 026/у-3 форма;063/у нысан бойынша денсаулық жағдайы туралы құжат;3x4 көлеміндегі фото - екі дана. Мектептің қабылдау комиссиясы оқуға өтініш берген кезде басқа қосымша құжаттарды талап етпеуі тиіс. Ерекше білім беру қажеттілігі бар балаларды білім беру ұйымдарына оқуға қабылдау үшін порталға қосымша педагогикалық-медициналық-психологиялық консультация қорытындысы электронды түрде (скан.нұсқасы, фото) заңды өкілдердің келісімімен ұсынылады. Құжаттарды қабылдау 2020 жылдың 1 маусымынан басталады. Жаңа оқу жылына дайындық мақсатында 17 тамыздан бастап мектептерде ата-аналардың өтініші бойынша ақысыз негізде жазғы мектеп жұмысын өткізу жоспарлануда.