Оңтайландыру бойынша қала бюджеті қайта қарастырылды – Көлгінов

Нұр-Сұлтан қаласының әкімі Алтай Көлгінов онлайн брифингте қалалық әкімдік аппаратында оңтайландыру жүргізілетіні туралы айтты, деп хабарлайды Елорда Инфо. «Мемлекет басшысының тапсырмасына сәйкес, квазимемлекеттік секторларда және аппаратта да оңтайландыру жүргізіледі. Қазіргі уақыттың өзінде 17 заңды тұлға оңтайландырылды. Бюджет қайта қарастырылып, қысқартылды. Тиімділігі төмен шығындар анықталды. Жалпы, 35 миллиард теңгені оңтайландыру керек болса, бүгінде оның 28 миллиарды бойынша жұмыс аяқталды. Бұл қаржы әлеуметтік маңызы зор инфрақұрылымдық жобаларды іске асыру үшін жұмсалады. Мысалы, 14 миллард теңге қаладағы 150 көшені жөндеуге бөлінеді. Бұл дегеніміз – 100 шақырымдық жол», – деді Алтай Көлгінов.