ҚХА балаларды қорғау күніне арналған байқау жариялады

ҚХА балаларды қорғау күні қарсаңында, Нұр-Сұлтан қаласындағы мектеп жасындағы балалар арасында Instagram әлеуметтік желісінде байқау жариялады, деп хабарлайды Елорда Инфо. Балаларды қорғау күніне арналған «Әлем балалар көзімен» атты тақырыпта сурет салып, ақпарат астына баланың аты мен жасын жазып, #1маусымҚХА #1юняАНК хештегімен бірге қою, @assembly_nur_sultan парақшасына жазылу, @assembly_nur_sultan парақшасын белгілеу, байқау фотоларына «лүпіл» қою керек. Байқау 26-30 мамыр аралығында өтеді.30 мамырда жазылушылар жеңімпаздарды өздері таңдайды. Жас санаттары бойынша біз байқаудың 3 финалистін таңдап, ақтық бөлім өткіземіз. Онда біздің оқырмандарымыз дауыс беру арқылы басты жеңімпаздарды анықтайды. Жеңімпаздар саны үшеу. Олар елордалық Қазақстан халқы Ассамблеясы атынан бағалы сыйлықтарға ие болады. Байқау қорытындысы 1 маусым күні сағат 21:00-де жарияланады.