Сәулет, қала құрылысы және жер қатынастары басқармасы азаматтарды қабылдауды бастайды

Осы сейсенбіде Нұр-Сұлтан қаласы Сәулет, қала құрылысы және жер қатынастары басқармасы азаматтарды қабылдауды бастайды, деп хабарлайды Елорда Инфо. "Карантин режимі кезінде басқармаға қарасты бөлім басшылары сейсенбіден бастап азаматтарды жеке сұрақтары бойынша қабылдауды бастайды. Қабылдау сейсенбі және бейсенбі күндері сағат 18.00-ден 19.00-ге дейін Әуезов көшесі, 6 мекенжайында өтеді. Қаупсіздік мақсатында әлеуметтік қашықтықпен бетперде режимі сақталатынын естеріңізге саламыз", – делінген хабарламада. Қабылдау бөлімінің телефоны – 55-74-57. Басшының қабылдауына жазылу үшін 91-94-06 нөміріне немесе +77087227697 WhatsApp нөміріне хабарласуға және saulet@astana.kz электронды поштасына хабарлама жіберуге болады.