Бақылау-өткізу бекетінде болған жол апатынан полицейлер қаза тапты

Алматыда бақылау-өткізу бекетінде болған жол апатынан полицейлер қаза тапты, деп хабарлайды Елорда Инфо Polisia.kz порталына сілтеме жасап. Сағат 05: 26-да Алматы облысы Қарасай ауданы Көксай ықшамауданында Жаңа Ғасыр көшесімен қиылыста, Кожабекова көшесімен солтүстік бағытта келе жатқан 1992 жылы туған “BMW” маркалы автокөліктің жүргізушісі, А.есімді қала тұрғыны #4 бақылау-өткізу бекетіне соқтығысты. Алдымен бетон қоршауға барып тиген, содан кейін инерциямен патрульдік көлікке соғысқан, оның салонында екі полиция қызметкері болды. Өкінішке орай, патрульдердің бірі, 42 жастағы Жалғас Жанғазиев алған жарақаттардан жедел жәрдем келгенге дейін қайтыс болды. Оның әріптесі, Дастан Абдықанов жақын жерде орналасқан ауруханаға өте ауыр жағдайда жеткізілді. Жол-көлік оқиғасында жарақат алған полиция сержанты Дастан Әбдіканов есін жимастан ауруханада қайтыс болды. “BMW” жүргізушісі қамауға алынды. Бұл факті бойынша сотқа дейінгі тергеу басталды. Алматы Полиция департаментінің басшылығы мен жеке құрамы қызмет бабында қайтыс болған полицейлердің отбасына қайғырып көңіл айтады және орны толмас қайғыға ортақтасады.