Елордалық 6 515 мектеп бітірушінің 95 пайызы ҰБТ тапсырады – Қадырова

Нұр-Сұлтан қаласы Білім басқармасының басшысы Шолпан Қадырова онлайн брифингте биылғы ҰБТ туралы айтты, деп хабарлайды Елорда Инфо. «Бұған дейін айтқанымыздай, елорда мектептерін осы жылы 6 515 оқушы бітіреді. Олардың 95 пайызы, яғни 6 199 түлек ҰБТ тапсыруға өтініш білдірді. Ұлттық бірыңғай тест 25 маусым мен 5 шілде аралығында барлық санитарлық талаптар қатаң сақталып өткізілетін болады. Тестілеу уақыты – 3 сағат 50 минут. 2 блоктан тұрады, 3 негізгі пән және 2 бейіндік пән. ҰБТ-да биылғы оқу жылындағы 11-сыныптың 4-тоқсанындағы бағдарламаның сұрақтары қамтылмайды. Яғни тест сұрақтары 5-11 сынып бағдарламасы мен 11-сыныптың І және ІІ тоқсанындағы оқыту бағдарламасынан тұрады», – деді басқарма басшысы.