ҰҚК: «Самұрық-Қазына» қоры мен «ҚТЖ» ұлттық компаниясының төрағалары ұсталды

Нұрлан Жақыпов пен Елжас Отыншиев сыбайлас жемқорлық қылмыс жасады деген күдікпен ұсталды, деп хабарлайды Elordainfo.kz Ұлттық қауіпсіздік комитетінің баспасөз қызметіне сілтеме жасап.

«11 қарашада ҚР ҰҚК Сыбайлас жемқорлыққа қарсы іс-қимыл қызметі «Самұрық-Қазына» АҚ Басқармасының төрағасы Н. Жақыпов пен «ҚТЖ» ҰК» АҚ Басқармасының төрағасы Е. Отыншиевті және сыбайлас жемқорлық қылмыс жасады деген күдікпен басқа да адамдарды ұстады», делінген хабарламада.

Істің барлық мән-жайын анықтауға бағытталған тергеу амалдары жүргізіліп жатыр.

Комитеттің мәлімдеуінше, Мемлекет басшысының тапсырмасын орындау және «Заң және тәртіп» қағидатын сақтау аясында сыбайлас жемқорлыққа қарсы күрес жұмыстары жалғасуда.