Рақымшылық: Астанада 288 мың әкімшілік материал тоқтатылды

Фото: magnific.com/ЖИ

Елордада «Рақымшылық туралы» заң аясында 97 829 азаматқа қатысты 288 224 әкімшілік материал тоқтатылды, деп хабарлайды Elordainfo.kz Астана қаласы бойынша «Заң мен тәртіп» тұжырымдамасының ресми парақшасына сілтеме жасап.

«Салынған айыппұлдардың жалпы сомасы 4,5 млрд теңгеден асты, оның ішінде 4,45 млрд теңге азаматтардың төлеу міндеттемесінен босатылды.
Рақымшылықтың заңды қолданылуы Астана қаласының прокуратурасымен «Цифрлық қадағалау» жүйесі арқылы тұрақты бақылауда», делінген хабарламада.

Еске сала кетсек, жаңа Конституциясының қабылдануына байланысты рақымшылық жасау туралы заңның іске асырылуына орай Қылмыстық-атқару жүйесі мекемелерінен 620 адам босатылды.