Төтеншеліктер мұздағы қауіпсіздікті сақтауға байланысты іс-шаралар жүргізіп жатыр

Фото: freepik

Астана қаласы Төтенше жағдайлар департаменті «МҰЗ – 2024» республикалық акциясы аясында қала аумағында 130-дан астам профилактикалық-рейдтік іс-шаралар жүргізіп, халыққа 13 мыңнан астам ақпараттық парақша таратты, деп хабарлады Elordainfo.kz 112 KZ-ке сілтеме жасап.

«Іс-шаралар барысында су айдындарындағы, әсіресе, балық аулау кезіндегі қауіпсіздік шаралары туралы түсіндіру жұмыстары жүргізілуде», - делінген хабарламада.

Сондай-ақ, мұздағы қауіпсіздікті сақтау мақсатында төтеншеліктер күн сайын су айдындарында кезекшілік атқарады.

Төтенше жағдайлар министрлігі жұқа мұз үстінде жүру өміріңізге қауіпті болуы мүмкін екендігін еске салады.