19-20 шілде аралығында Малайзияның Кампар қаласында триатлоннан жастар арасындағы Азия кубогы өтіп жатыр, деп хабарлады Elordainfo.kz Olympic.kz-ке сілтеме жасап.

Отандастарымыз жарыстың бірінші күнінде жеңіс тұғырына көтерілді.

Рамазан Айнегов 00:58:46 уақыт көрсеткішін тіркеп, чемпион атанды. Тағы бір жерлесіміз Елмұрат Қанай 00:59:02 нәтижемен үшінші орынды иеленді. Ал күміс жүлде Сеймур Энтони Каглаянға (Түркия) бұйырды - 00:58:56.

Айта кетейік, аталмыш жарысқа 15 елден 60 спортшы қатысуда.