Үкімет үйінде Премьер-министр Олжас Бектеновтің төрағалығымен отандық өндірісті дамыту және қолдау мәселелері қаралды, деп хабарлайды Elordainfo.kz Үкіметтің баспасөз қызметіне сілтеме жасап.
«Мемлекет басшысы Қазақстан халқына Жолдауында отандық өнімдер мен компаниялардың бәсекеге қабілеттілігін арттыру, елімізде шығарылатын өнімдерге, оның ішінде мемлекеттік сатып алу арқылы кепілді сұранысты қамтамасыз ету қажеттігіне ерекше назар аударды», - деп атап өтті Олжас Бектенов.
Саладағы жағдай мен алдағы жоспарлар туралы өнеркәсіп және құрылыс министрі Ерсайын Нағаспаев баяндама жасады.
Министрліктің мәліметінше, осы жылдың 10 айында өңдеу өнеркәсібіндегі өндіріс көлемі 9,3%-ға өскен. 2026 жылға қарастырылған 200 инвестициялық жобаны жүзеге асыру 17,3 мың жұмыс орнын құруға мүмкіндік береді.