Үкімет үйінде Мемлекет басшысының әлеуметтік саладағы тапсырмаларын жүзеге асыру бойынша өткен баспасөз конференциясында Еңбек және халықты әлеуметтік қорғау бірінші вице-министрі Асқарбек Ертаев атаулы әлеуметтік көмекке қатысты жауап берді, деп хабарлады Elordainfo.kz.
«Атаулы әлеуметтік көмек жалғасады. Жағдайы төмен отбасылар оның ішінде, жұмыс істемейтін әкесі немесе анасы болса атаулы әлеуметтік көмек алады. Мемлекет тарапынан ондай қолдау болады. Біздің мақсатымыз – әр отбасыға талдау жасап, оның ішінде жұмысқа жарамды адам болса жұмысқа орналастырып, сол отбасыны қиын жағдайдан шығару», - деді ол.
