Алматы облысында автобус пойызға соғылды

Фото: Алматы облысы Полиция департаменті

Алматы облысында маршруттық автобус пойызға соғылды, деп хабарлайды Elordainfo.kz облыстық Полиция департаментіне сілтеме жасап.

Полиция қызметкерлері Алматы-Боралдай-Шамалған стансасы автожолындағы теміржол өткелінде жол-көлік оқиғасын жасаған маршруттық автобустың жүргізушісін жауапкершілікке тартты.

«Алдын ала мәлімет бойынша, көмір станциясынан шыққан пойыз өткел арқылы қозғалып келе жатқан. Маршруттық автобустың жүргізушісі жол бермей, соқтығысуға жол берген», делінген хабарламада.

Полиция департаментінің мәлімдеуінше, қазіргі уақытта жол-көлік оқиғасының барлық мән-жайын анықтауға бағытталған тексеру жүргізілііп жатыр.

Еске сала кетсек, шымкенттік жүргізуші куәлігін алып беремін деп 45 адамды алдаған.