Жедел жәрдем бригадасы 24 күндік сәбиге сәтті реанимация жүргізді

Қостанайда құрамында дәрігер Сұлтан Жүсіпов пен фельдшер Александр Калетин бар жедел жәрдем бригадасы клиникалық өлім жағдайындағы нәрестеге сәтті реанимация жүргізді, нәрестеге небәрі 24 күн болған, деп хабарлады Elordainfo.kz Денсаулық сақтау министрлігінің баспасөз қызметіне сілтеме жасап.

«Алғаш рет жағдайының күрт нашарлауы тамақтандырғаннан кейін үйде болды, бала көгеріп, тыныс алуын тоқтатты. 103 диспетчері бұл оқиға туралы естігеннен кейін, ол дереу бригадаға қоңырау шалып, бригада келгенше ата-аналарға телефон арқылы көмек беру үшін «Қоңырауды ұстап тұру» режиміне өтті», - деп жазылған хабарламада.
 

Call орталығының аға дәрігері Айшат Абзалбекова барлық уақытта желіде болып, көмек көрсету бойынша ұсынымдар берді, ал баланың әкесі бригада келгенше  баланы ауыр жағдайдан шығарған іс-шараларды анық және сауатты жүргізді.

Келесі сынақ стационарға барар жолда ЖМЖ машинасында болды. Баланың жүрек және тыныс алу белсенділігі тоқтап, клиникалық өлім жағдайы туындады.

Бригада дәрігері Жүсіпов Сұлтан мен фельдшер Александр Калетин бірден реанимация жасауға кірісті. 24 күндік нәрестеге трахеяны сәтті интубациялау жүргізіп, өкпені жасанды желдету режиміне ауыстырды және PALS халықаралық стандарты бойынша одан әрі реанимация жасады.

Дәрігерлердің нақты және білікті іс-қимылдарының арқасында бала өмірге қайта оралды және ол облыстық балалар ауруханасының қабылдау бөлмесінде реанимация дәрігерлеріне аман-есен берілді.

Қазір бала қанағаттанарлық жағдайда. Стационарда ем қабылдауда.

Қостанай жедел жәрдем қызметінің қызметкерлеріне аман қалған сәбидің әкесі Фархат Иманбаев жылы лебіздерін білдірді.