Әлем чемпионаты: Шорт-тректен тағы бір спортшы жартылай финалға өтті

Бүгін, 15:48
Ернұр Қайнар Ернұр Қайнар
Әлем чемпионаты: Шорт-тректен тағы бір спортшы жартылай финалға өтті
Фото: olympic.kz

Шорт-тректен Қазақстан құрамасының спортшысы Ольга Тихонова Қытайдың Бейжің қаласында өтіп жатқан әлем чемпионатының жартылай финалына жолдама алды, деп хабарлады Elordainfo.kz.

Спортшы 1500 метр қашықтықтағы ширек финалдық сайыста сәтті өнер көрсетті. Мәре сызығын үшінші болып кескен Тихонова әлем чемпионатының жартылай финалына өтті.

Ал Алина Әжғалиева жартылай финалға шығу мүмкіндігі үшін жұбаныш кезеңінде сынға түседі.

Айта кетейік, осыған дейін дәл осы қашықтықта Әділ Ғалиахметов жартылай финалға жолдама алған болатын.