Chеmpiondar ligalary: Астанада жас спортшылар бас қосты

Астанадағы Жақсылық Үшкемпіров атындағы Жекпе-жек сарайында грек-рим, еркін күрес, қазақ күресі, дзюдодан республикалық Chеmpiondar ligalary жарысының 3-туры өтті, деп хабарлады Elordainfo.kz.  

«Республикалық жарыстарда әр облыстан тек 2 спортшы ғана қатыса қалады. Ал Chеmpiondar ligalary барлық өңірдің спортшыларына еш шектеусіз қатысуға мүмкіндік береді. Бұл сарайда күрес түрлерінен әлем чемпионаты, Азия чемпионаты сынды ірі додаларды қабылдаған. Енді жасөспірімдер де әлемдік стандартқа сай спорт кешенінде жүлдеге таласа алады», - деді жобаның ұйымдастырушысы Дидар Сағадиев.

Chеmpiondar ligalary-ның танымалдылығы артуының арқасында 3-турда рекордтық 1 мыңға жуық жас спортшы бас қосты.

Айта кетейік, биылғы шешуші 4-тур желтоқсан айына жоспарланған.