Елордада Күршім көшесінің бір бөлігі уақытша жабылды

Фото: Оңалхан Өнерхан

Астана қаласының Көлік және жол-көлік инфрақұрылымын дамыту басқармасы Болашақ көшесінен Жаңақоныс көшесіне дейінгі Күршім көшесіне орташа жөндеу жүргізеді, деп хабарлады Elordainfo.kz.

Осыған байланысты, 11-18 мамыр аралығында көрсетілген учаскеде қозғалыс ішінара жабылды. Осы уақытта көлік қозғалысы екі бағытта бір жағынан кезең-кезеңімен ұйымдастырылады.

«Жүргізушілер мен жаяу жүргіншілер қозғалыс бағытын алдын ала жоспарлауы және ықтимал өзгерістерді ескеруі қажет. Қауіпсіздікті қамтамасыз ету және қолайсыздықты азайту үшін уақытша жол белгілері мен көрсеткіштер орнатылды», - делінген хабарламада.