Елордада Халықаралық йога күніне орай ашық жаттығу өтеді

Елордада 21 маусымда 11-ші Халықаралық йога күні аталып өтеді. Мереке Ботаникалық бақта өтеді, деп хабарлады Elordainfo.kz.

Қала әкімдігінің мәліметінше, іс-шара таңғы сағат 6:00-де басталады. Қала тұрғындары мен қонақтарының барлығы қатыса алады.

Мерекелік бағдарламада Үндістаннан келген тәжірибелі жаттықтырушылармен бірге жаттығу, сондай-ақ қатысушыларға арналған сыйлықтар мен сертификаттар қарастырылған.

Әр қатысушы өзімен бірге йогаға арналған төсеніш және бас киім ала келуі қажет.

Іс-шараны ұйымдастырушылар – Астанадағы Үнді мәдени орталығы және Yoga Family Astana. Ол Астана қаласы әкімдігінің қолдауымен өтеді.

Қосымша ақпарат @iccr_astana Instagram парақшасында қолжетімді.