Елордада экологиялық акция аясында велошеру өтті

Бүгін елордада «Жасыл жол - Ұрпаққа аманат» экологиялық акциясы аясында  зейнеткерлер арасында велошеру ұйымдастырылды, деп хабарлады Elordainfo.kz.

Орталық саябақ аумағында өткен спорттық шарада 70-тен астам елордалық зейнеткерлер белсенділік танытты.

«Нұра ауданымен бірге ұйымдастырылып жатқан шарамыз алғаш рет өтіп жатыр. Бұл жердегі ерекшелік - ешқандай жеңімпаз болмайды. Ең бастысы егде жастағы азаматтарымызды салауатты өмір салтын ұстануға шақыру», - деді Астана қаласы әкімдігінің Спорттық-бұқаралық іс-шараларды өткізу дирекциясының маманы Гүлнұр Базарханова.

Спорттық мереке барысында қатысушылар тек велосипед теуіп қана қоймай, сайысқа түскен аумақты жинап, тазалықтың сақталуына үлес қосты.