Елордалық депутат медицина нысандарына 100 оттегі концентратын табыстады
15 ақпан, 2023
Елорда ақпарат
ашық дереккөз
Қазіргі уақытта ауыр науқастардың көбінің өмірі тікелей осы аппаратқа байланысты болып отыр. Қала әкімдігі тыныс алу аппараттары қажеттілік танытқан медицина нысандарына таратылғанын жеткізді.
«Елдегі эпидемиалогиялық жағдай туралы күнделікті оқып, хабардар болып отырамын. Өкінішке қарай, дәрігер емеспін. Дәрігер болсам алдыңғы шепте еңбек етіп, науқастарды емдеуге жәрдем берер едім. Өз қолыммен емдей алмасам да дәрігерлерге басқа жолмен көмек беретін мүмкіндігім болғанына қуанамын», - деді депутат Талғат Қожахметов.
«Тыныс алу аппараттарында ауыр науқастар тәулік бойы жатады. 35 тәулік жатқан науқастар да болды. Осыған орай қажетті жабдықтарды табыстап жатқандарыңызға алғысымыз шексіз. Бәріміз халықтың жағдайы үшін еңбек етіп жүрміз. Осы еңбегіміздің нәтижесінде науқастар да емделіп шығып жатыр. Дәл қазіргі таңда елдің амандығы маңызды», - деді өз сөзінде ковидтік аурухана ретінде қайта бейімделген ҚР ДСМ «Отан соғысының мүгедектеріне арналған орталық клиникалық госпиталь» директоры Динара Оразалина.
Айта кетейік, коронавирус індетін тоқтатудың жалғыз тиімді жолы – вакцинация арқылы ұжымдық иммунитетті дамыту. Бүгінде Нұр-Сұлтанда коронавирусқа қарсы вакцинаның бірінші компонентін 381 мыңнан астам адам алды, ал 300 мыңнан астам азамат толық иммундаудан өтті.
Ұқсас жаңалықтар
28 ақпан, 2024
Жүзуден Азия чемпионатында астаналық спортшылар рекорд орнатты
23 ақпан, 2024
Астаналық ғалымдар ChatGPT-дің қазақ тіліндегі прототипін жасады
12 ақпан, 2024
Астаналық ғалымдардың кітабы әлемдік баспадан жарық көрді
12 қаңтар, 2024
Елордалық жас ғалымның еңбегі Дубайда ең үздік деп танылды